Fikolokoloana ny tarehy : torohevitra hanerena ny mason-koditra misokatra loatra
Isan’ireo zavatra manaratsy ny endriky ny hodi-tava ny mason-koditra misokatra loatra na hoe « pores dilatés ». Miendrika lavaka kely be dia be hita maso izy ireny ary somary marokoroko rehefa tsapaina. Inona ary no mahatonga ny mason-koditra eo amin’ny tarehy misokatra ? Ahoana ny fomba natoraly atao mba hanerena azy ireny ?
Ireo antony mahatonga ny mason-koditry ny hodi-tava misokatra loatra
Maro ireo antony mety mahatonga ny mason-koditry ny hodi-tava misokatra loatra na ireo atao hoe « pores dilatés ». Anisan’izany ny :
-Famokaran’ny hodi-tava « sébum » be loatra. Ireo olona manana « peau grasse » moa no tena voakasik’izany. Be loatra ny « sébum » mivoaka ary rehefa mifangaro amin’ny « cellules mortes » sy ny loto eo amin’ny hodi-tava izany dia lasa tsentsina ny mason-koditra ka misokatra be loatra ;
-Very ny « élasticité » ny hoditra. Rehefa miha mahazo taona ny olona iray dia mihena ny « élasticité » sy ny « collagène » ny hoditra, indrindra ny eo amin’ny hodi-tava. Rehefa mitranga izany dia lasa tsy mienjana tsara intsony ilay hoditra ary lasa toy ny miha lehibe ny endrik’ireo mason-koditra.
-Fiandronan’ny loto sy « cellules mortes ». Rehefa tsy voadio tsara ny hodi-tava dia miangona eo ny loto sy ny « cellules mortes ». Izany dia manentsina ny mason-koditra ka mahatonga azy lasa mihitatra sy misokatra loatra.
-Fototarazo. Eo amin’ny olona sasany dia lovaina amin’ny fototarazo ny haben’ny hodi-tava.
-Fiantraikan’ny fitaniana andro be loatra. Ny taratry ny masoandro dia mety manimba ny « collagène » sy ny « élastine » eo amin’ny hodi-tava ka mahatonga ny mason-koditra misokatra loatra.
-Fampiasana manjamaso na vokatra fikarakarana hoditra « comédogènes » izay mety manentsina ny mason-koditra ka mahatonga azy ireo lasa hita be kokoa.
Ireo torohevitra natoraly manampy hanerena ny mason-koditra misokatra loatra
Maro ireo fomba natoraly afaka manampy amin’ny fanerena ireo mason-koditry ny hodi-tava misokatra loatra. Anisan’izany ny :
-Fizarana manadio tsara ny tarehy. Sasana tsara isaky ny maraina sy hariva ny tarehy mba hanesorana ny « sébum » mihoatra, ny loto sy ny manjamaso. « Nettoyant » malefaka sy mifanaraka amin’ny hodi-tava no ampiasaina.
-« Exfoliation » malefaka. Izany hoe kosehana amin’ny « exfoliant » na « gommage » malefaka ny hodi-tava mba hiala ireo loto sy « cellules mortes » mety manentsina ny mason-koditra. Atao indray mandeha na in-droa isan-kerinandro izany.
-Fanaovana « masque » vahona. Ny vahona dia manana fiasa manamandina sy mampitony ny hoditra. Afaka manampy amin’ny fanerena ny mason-koditra lasa misokatra be loatra ihany koa izy io. Hosorana nditin’ny vahona ny tarehy ary avela hilona mandritra ny minitra vitsy avy eo kobanina amin’ny rano matimaty.
