Fahasalamana : tsy aretin-tsaina ny « autisme »

Inona no atao hoe « autisme » ?

Ny « autisme » dia « trouble du développement neurologique » na hoe tsy fahatomombanana eo amin’ny fivoaran’ny atidoha. Io « trouble » io dia misy fiantraikany eo amin’ny fomba firesaka, fifandraisana amin’ny hafa ary ny fijery ny tontolo manodidina eo amin’ilay olona « autiste ».
Miankina amin’ny « degré » an’ireo fiantraikan’ilay « trouble du développement neurologique » ireo dia mety hanana fahasarotana tokoa ny olona « autiste » amin’ny fiainany andavanandro. Satria moa ny « autisme » dia voasokajy ho « spectre » dia midika izany fa mety miseho amin’ny fomba samihafa sy tsy mitovy izy eo amin’ny olona tsirairay.

Ny santionany amin’ireo fisehon’ny « autisme »

Araka ny voalaza teo ambony dia tsy voatery hitovy ny fisehon’ny « autisme » eo amin’ny olona tsirairay. Anisan’ireo « caractéristique » fahita ny hoe :
-Sahirana mahazo sy mampiasa teny « verbal » sy « non verbal » ;
-Sahirana mametraka sy mitazona ny fifandraisana ara-tsosialy ;
-Sahirana mahazo ny fihetseham-po sy ny fikasan’ny hafa ;
-Filàna manana « routines » sy « rituels » na hoe fahazarana ;
-Misy zavatra manokana mahaliana mafy ;
-Mamerimberina fihetsika ;
-« Sensible » be amin’ny tabataba, hazavana, fofona, « textures »…

Azo tsaboina ve ny « autisme » ?

Araka ny voalaza teo ambony dia tsy aretin-tsaina na ny « autisme ». Arak’izany dia tsy misy fitsaboana hanasitranana azy. Misy kosa ireo fandraisana an-tanana azo atao mba hanampiana ny olona « autistes » mba hampivoatra ny fahaiza-manaony sy mba hanatsarana ny fiainany andavanandro.