Ireo vokatsoa ara-pahasalamana azo avy amin’ny fihinanana oliva maitso

Oliva maitso : manankarena « antioxydants »

Ny oliva maitso dia manankarena « composés végétaux » antsoina hoe « polyphénols ». Ireto farany dia manana fiasa « antioxydantes » tena mandaitra. Mifototra indrindra amin’ny fampihenana ny « risques » hahavoa ny areti-mitaiza, toy ny « athérosclérose » sy homamiadana izy ireo.

« Anti-inflammatoires »

Ny iray amin’ireo « polyphénols » ao anatin’ny oliva maitso dia antsoina hoe « oléocanthal ». Io singa io dia manana fomba fiasa mitovitovy amin’ireo fanafody « anti-inflammatoire ». Araka ny vokam-pikarohana nataon’ireo manam-pahaizana dia voalaza fa manampy amin’ny fanatsarana ny toe-pahasalaman’ireo olona tratry ny « polyarthrite rhumatoïde » izy io.

Manampy amin’ny fikoloana ny fahasalaman’ny fo

Marina fa mitahiry « matières grasses » betsaka ny oliva maitso. Marihana nefa fa ny ankamaroan’ireo « matières grasses » ireo dia tafiditra anatin’ny karazana « mono-insaturée » atao hoe « acide oléique ». Ity farany dia manampy amin’ny fampihenana ny « risques » hahavoan’ny aretin’ny fo amin’ny alalan’ny fandrindrana ny « cholestérol » sy tosidrà.

Manampy amin’ny fikoloana ny tsinay

Ny oliva dia isan’ireo sakafo « fermentés » fahita amin’ny andavanandro. Ny fihinanana azy ireny dia mitondra bakteria sy « enzymes » tsara ho an’ny tsinay. Izany hoe mampitombo ny fahasalaman’ny « microbiome intestinal » sy ny taovam-pandevonan-kanina izy ireo ary mety manatsara ny fiasan’ny hery fiarovana.