« Cirrhose du foie » : ireo tsara fantatra mikasika ity aretina ity

Inona no atao hoe « cirrhose du foie » ?

Ny aty dia manana anjara asa lehibe amin’ny fiasan’ny vatantsika. Anisan’izany ny fanesorana ireo « toxines » ao anaty vatana, ny famokarana ny « protéines » ary ny fandrindrana ny tahan’ny siramamy anaty rà. Mitranga ny « cirrhose » rehefa simba matetika ny aty na rehefa simbain’ireo zavatra hafa toy ny fisotroan-toaka maharitra, « hépatite virale », « stéatose hépatique non alcoolique » na vokatry ny aretina « auto-immunes » na « génétiques » sasany.
Isaky ny miezaka manandrana manasitranana ny tenany ny aty dia mamorona olatra « fibreuses ». Ireo olatra ireo dia manolo ny « tissu hépatique » salama ka lasa manakana ny tosiky ny rà mankany amin’ny aty. Izany dia mampihena fahafahan’ny aty miasa tsara ka mahatonga fiandronan’ny « toxines » sy singa hafa mety manimba ny vatana.

Ireo soritr’aretina sy fambaran’ny « cirrhose »

Amin’ny voalohany dia mety tsy ahitana soritr’aretina na fambara ny « cirrhose du foie ». Rehefa mihombo tsikelikely ilay aretina dia mihena ny fiasan’ny aty ary lasa misy soritr’aretina miseho, toy ny hoe :
-Vizaka sy malemilemy ;
-Malain-komana sy miha mahia ;
-Maloiloy sy mandoa ;
-« Jaunisse » na hoe lasa miloko mavo ny hoditra sy ny maso ;
-Mangidihidy ny hoditra ;
-Mivonto ny ranjo, kitrokely, ny kibo vokatry ny fiandronan’ny rano ;
-Mangana ho azy ary mandeha rà ;
-« Encéphalopathie hépatique » izany hoe mikorontana ny loha, verivery tadidy, miova ny « personnalité » vokatry ny fiangonan’ny « toxines » ao amin’ny atidoha ;
-Miendrika ala (araignée) ny lalandrà eo amin’ny hoditra.

Ireo antony lehibe mety mahatonga ny aretina

Na dia maro ary ireo anton-javatra mety mahatonga « cirrhose » dia isan’ireo antony lehibe mitarika azy io ny :
-Fisotroana toaka be sy maharitra ka miteraka aretin’ny aty vokatry ny toaka ;
-« Hépatite chronique B » na « Hépatite chronique C » ;
-« Stéatose hépatique non alcoolique (NASH) » ;
-« Hépatite auto-immune » ;
-« Hémochromatose » izay aretina « génétique » miteraka fiangonan’ny « fer » be loatra ao anatin’ny vatana.

Fitsaboana sy fandraisana an-tanana

Araka ny voalaza teo ambony dia azo arenina ny aty tratry ny « cirrhose », noho izany dia tsy misy fanafana ity aretina ity. Ny fitsaboana na ny fandraisana an-tanana azy dia miompana amin’ny fanakanana ny fihombony, ny fisorohana ireo mety ho fahasarotana ara-pahasalamana aterany ary ny famehezana ireo soritr’aretina. Anisan’ireo zavatra atao ary ny ;
-Fialana toaka ;
-Fihinanana fanafody mitsabo ny « hépatite », ny « maladies auto-immunes » na ho fifehezana ireo soritr’aretina ;
-Fanovana ny fomba fiaina, indrindra ny fanenana vatana raha ngeza loatra, fihinanana sakafo ara-pahasalamana, fanaovana fanatanjahantena ;
-« Greffe de foie » raha toa ka tena tsy miasa intsony mihintsy ny aty.