Bevohoka : torohevitra manampy hanafainganana ny fotoana hiterahana
Rehefa manakaiky ny fotoana hahaterahana dia maro ireo fihetseham-po mifamahofaho ao an-tsain’ny bevohoka, ao ny fietanentanana fa ao ihany koa ny fitaintainana. Mety mitranga hoe efa tonga ny DPA nefa mbola tsy teraka. Mba hanafaingana ny fotoana hiterahana ary dia misy ireo torohevitra manampy azo atao.
Mandeha tongotra, miakatra tohotra
Isan’ireo torohevitra faheno sy betsaka mampihatra rehefa te hanafaingana ny fotoana ny hiterahana ny fandehanana tongotra, ny fiakarana tohotra… Ny tanjona eto dia ny handrisihana ny fidinan’ny zaza any amin’ny lalan-jaza amin’ny alalan’ny fampihetsiketseham-batan’ny bevohoka. Tandremana kosa nefa mba tsy hanao reraka be loatra. Fandehanana mivoaboaka maka rivotra madio vao maraina dia ampy fa tsy voatery handeha lavitra be.
Miray ara-nofo
Fomba iray manampy amin’ny fanafainganana ny fahatongavan’ny fotoana hiterahana ny fanaovana firaisana ara-nofo. Ny tsirinaina tokoa mantsy dia mitahiry singa iray atao hoe « prostaglandines » izay mandrisika ny fikainkonan’ny tranon-jaza (contractions utérines) eo amin’ny bevohoka. Ankoatra izay dia mandrisika ny famokaran’ny vatan’ny vehivavy « ocytocine » ihany koa ny firaisana ara-nofo. Ny « ocytocine » dia hormonina mampisy ny « contractions » ka manafaingana ny fiterahana. Marihana fa tsy atahorana ny fanaovana firaisana raha vao mitsaika aza ny vohoka. Rehefa amin’ny faran’ny fitondrana vohoka izy io vao mandrisika ny fiterahana.
Mihinana dattes
Maro ireo vokatsoa azo amin’ny fizarana mihinanana dattes rehefa manakaiky ny fotoana hiterahana. Ny dattes dia manankarena « acides gras » izay mandrisika ny famokaran’ny vatan’ny vehivavy « prostaglandines », miasa amin’ny « contractions utérines ». Etsy andaniny dia manampy amin’ny fanomanana ny vozon’ny tranon-jaza halefaka kokoa ny fihinanana ity voankazo ity ka manampy amin’ny fanamorana ny fiterahana.
