Zazakely mikohaka : mampitony ny fametrahana tongolo ambany fandriany
Akora natoraly efa fampiasa ny maro hampitoniana ny kohaka ny tongolo (oignon). Eo amin’ny ankizy sy ny lehibe dia hanamboarana « sirop » natoraly izy io hampisindana ny kohoka. Ho an’ireo zazakely mbola tsy misakafo dia atao ambany fandriana izy io.
Inona no antony hametrahana tongolo ambany fandrian’ny zaza mikohaka ?
Ny fofona mahery mivoaka amin’ny tongolo dia manampy amin’ny fanalana ireo rehoka manakatsakana ao amin’ny taovam-pisefoan’ny zaza. Ny tongolo manta tokoa mantsy dia manankarena « soufre ». Ity farany dia singa ilaina amin’ny « réactions chimiques » maro ao amin’ny vatan’olombelona.
Ahitana « quétercine » izay « molécule » manana fiasa « antioxydant » ihany koa izy. Ary farany, ny « sélénium » anaty tongolo dia mandrisika sy manamafy ny hery fiarovana ary manampy amin’ny fiadiana amin’ny « allergies » sy ny otrikaretina. Ho an’ireo zazakely mbola tsy misakafo na tsy mbola mahazaka mihinana tongolo manta dia atao ambany fandriana izy io mba hisitrahana ny fiasany amin’ny fampitoniana ny kohoka.
Ahoana ny fampiasana ity torohevitra natoraly ity ?
Raha maniry ny hampiatra ity torohevitra natoraly ity mba hampitony sy hampisinda ny kohoka eo amin’ny zazakely ary dia voasana ary zaraina efatra na tetehana, tsy atao madinika be, ny tongolo. Avy eo apetraka eo ambony lovia kely ary io no apetraka ao ambany ny fandriana fatorian’ny zazakely mikohaka. Avela ao mandritra ny tontolo alina. Mandaitra kokoa ity fikafika natoraly ity raha atao betsaka ny tongolo ampiasaina. Raha hita fa mihalefy ny fofony dia soloina ireo tongolo. Atao mandritra ny 2 na 3 alina misesy ity torohevitra ity.
Mazava ho azy fa rehefa mikohoka ny zazakely dia mila entina mpitsabo hatrany mba hahazo ny fizahana ara-pahasalamana sy fitsaboana sahaza. Ny fametrahana tongolo ambany fandrian’ny zaza mikohoka dia tsy mahasolo ny fitsaboan’ny mpitsabo fa kosa manampy hampitoniana ny kohoka sy ny fampisindana izany.
