Fromazy : mitondra vokatsoa maro ho an’ny vatana sy ny fahasalamana

Fromazy : mitahiry otrikaina sy singa maro ilain’ny vatana

Toy ny vokatra azo avy amin’ny ronono rehetra dia mitahiry otrikaina sy singa maro ilain’ny vatana ny fromazy. Isany tsara hinanana azy ary ireny ary noho izy :
-Be kalsioma izay miantoka ny fahasalaman’ny taolana sy ny nify ;
-Manankarena « protéine » izay ilaina ny vatana amin’ny fandrafetana sy ny fanamboarana ireo « tissus » ao aminy ;
-Mitahiry vitamina (A, B2, B12) sy mineraly (Phosphore, Zinc) izay mitana anjara lehibe eo amin’ny fiasan’ny vatana ;
-Mitondra « bon cholestérol ». Izany hoe manampy amin’ny fandanjalanjana ny tahan’ny « cholestérol » ao amin’ny vatana.

Ireo mety ho lafy ratsin’ny fihinanana fromazy

Na dia eo aza ireo vokatsoa maro azo avy amin’ny fihinanana fromazy dia misy ihany koa ireo mety ho lafy ratsin’izany :
-Ahitana « matière grasse saturés » amin’ny tahany ambony. Misy karazana fromazy sasany, indrindra ireo mafy (pâte dure), dia be « graisses saturées » ka mety hampitombo ny « risque » ahavoan’ny aretin’ny fo sy ny lalan-drà ;
-Be « sodium » na sira. Ny fihinanana azy be loatra dia mety mampiakatra ny tosidrà ;
-Misy karazan’olona tsy mahazaka « lactose » izay karazana siramamy hita ao anatin’ny ronono. Raha mihinana fromazy izy ireny dia mety harary kibo ;
-Be « apport calorique ». Ny fromazy dia sakafo matavy. Ny fihinanana azy be loatra arak’izany dia mety hampatavy.

Ireo torohevitra hisitrahana ny vokatsoa avy amin’ny fromazy

Mba hisitrahana ireo vokatsoa azo avy amin’ny fromazy dia mila lanjalanjaina tsara ny fihinanana azy ireny :
-Ovaovaina ny karazana fromazy hoanina ary ireo fromazy malemy sy vaovao no tena tsara hoanina noho izy tsy dia be « matières grasses » ;
-Hoanina amin’ny antonony fa tsy atao be loatra ;
-Ampiarahana amin’ny sakafo mahasalama toy ny legioma, voankazo na « pain complet » ny fromazy ;
-Henoina tsara ny vatana. Raha mahatsikaritra fa tsy mahazaka « lactose » dia mila manantona mpitsabo.