Fahasalamana: ireo aretina mpitranga rehefa mihantitra

Aretina mpitranga rehefa mihantitra : Aretin’ny fo sy lalan-dra

Anisan’ny aretina fahita indrindra eo amin’ny olona antitra na efa mahazo taona ny aretin’ny fo sy ny lalan-dra. Tafiditra ao anatin’izany ny tosidra ambony, ny fahatapahan-dra tampoka (AVC), ary ny aretim-po.
Rehefa mihantitra dia miha enjana sy mihamora simba ny lalan-dra, ka mampitombo ny loza mety hitranga. Ny fihinanana sakafo ara-pahasalamana, ny fanaovana fanatanjahantena tsy tapaka ary ny fitsaboana ara-potoana dia manampy amin’ny fisorohana izany.

Diabeta

Maro amin’ny olona efa antitra no tratran’ny diabeta karazany faharoa. Ity aretina ity dia vokatry ny fiakaran’ny tahan’ny siramamy ao anaty ra, matetika noho ny tsy fahombiazan’ny « insuline ».
Indraindray tsy dia hita soritra mazava ny soritr’aretina, nefa mety hiteraka fahasarotana lehibe toy ny fahasimban’ny voa, ny maso na ny hozatra. Zava-dehibe ny fanaraha-maso tsy tapaka ny tahan’ny siramamy sy ny fitandremana amin’ny fomba fiaina, indrindra eo amin’ireo olona nisy trangana diabeta teo amin’ny fianakaviana.

Aretina manimba ny atidoha

Misy aretina sasany manimba tsikelikely ny atidoha sy ny fitadidiana, toy ny aretina « Alzheimer » sy ny aretina « Parkinson ».
Ireo aretina ireo dia miteraka fahaverezan’ny fahatsiarovana na ny fahaiza-mihetsika. Na dia tsy mbola misy fanafody manasitrana tanteraka aza, dia afaka manampy betsaka amin’ny fanalefahana ny fiombonon’ny aretina ny fitsaboana aloha.

Aretin’ny tonon-taolana (arthrose)

Ny « arthrose » dia aretina fahita amin’ny zokiolona, izay vokatry ny fahasimban’ny taolan-damosin’ny tonon-taolana. Miteraka fanaintainana sy fahasarotana amin’ny fihetsika izany.
Matetika dia eo amin’ny lohalika, valahana ary tanana izy io no miseho. Ny fanatanjahantena malefaka, ny fitsaboana ara-batana (kinésithérapie) ary ny fanafody sasany dia afaka manamaivana ny soritr’aretina.

Fahalemen’ny taolana (ostéoporose)

Ny « ostéoporose » dia fahalemen’ny taolana izay mampitombo ny « risques » mety hahatapaka ny taolana, indrindra amin’ny valahana, hato-tanana ary hazondamosina.
Matetika izy io no mahazo ny vehivavy aorian’ny fitsaharan’ny fadimbolana (ménopause). Ny fihinanana sakafo misy kalsioma sy vitamina D ary ny fanatanjahantena dia manampy amin’ny fisorohana azy.

Aretin’ny taovam-pisefoana

Ny aretin’ny havokavoka sy ny taovam-pisefoana, toy ny BPCO na ny aretin’ny havokavoka vokatry ny aretina, dia isan’ireo aretina fahita kokoa eo amin’ny olona efa antitra.
Ny fifohana sigara dia iray amin’ireo antony lehibe mampitombo ny « risques ». Ny fanaovana vaksiny sy ny fialana amin’ny sigara dia manampy amin’ny fiarovana ny havokavoka.

Fahasimbana amin’ny fahitana sy fandrenesana

Rehefa mihantitra dia mihena tsikelikely ny fahitana sy ny fandrenesana. Ny aretina toy ny katarakta, ny fahasimban’ny maso noho ny fahanterana (DMLA), ary ny « presbytie » dia misy fiantraikany amin’ny fahitana. Ny tsy fahatomombanana amin’ny fandrenesana kosa dia manasarotra ny fifandraisana amin’ny hafa.