Fahasalamana ara-pananahana : fantaro ny mikasika ny « dyspareunie »

Ireo antony mety mahatonga ny « dyspareunie »

Misy karazany maro samihafa ireo antony mety mahatonga ny « dyspareunie » na ny fahatsapana manaintaina na tsy mahazo aina rehefa miray ara-nofo. Mizara ho roa lehibe ireo antony mety mahatonga azy io :

Ireo antony ara-batana

Maro ireo antony ara-batana mety mitarika « dyspareunie », anisan’izany ny :
-Otrikaretina toy ny « infections vaginales », ny aretina azo amin’ny firaisana ara-nofo… ;
-« Sécheresse vaginale ». Izany hoe tsy ampy ny « lubrification » na ny fahamadoan’ny fivaviana ka mahatonga fanaintainana rehefa miray. Mety izany ho avy amin’ny fikorontanan’ny hormoninina, fanafody sasany na koa tsy fahampian’ny « préliminaires » alohan’ny firaisana ;
-« Endométriose » izay areti-mitaiza miseho amin’ny fisian’ny « tissu » mitovy amin’ny « endomètre » eo ivelan’ny tranon-jaza. Mety mitarika fanaintainana ao amin’ny faritra ambanin’ny kibo izy io, indrindra mandritra ny firaisana ara-nofo ;
-« Vaginisme ». Izy ity dia fikainkonana (contraction) tsy fanahy ininiana ataon’ny hozatry ny fivaviana ka manatery ity farany tsy hahafahana miray ;
-« Fibromes » na « kystes ovariens ». « Tumeurs bégnines » izay mety manavesatra ireo taova manodidina azy izy ireo ka mety hampisy fanaintainana mandritra ny firaisana ;
-Fandidiana na fiterahana. Ireo olatra avy amin’ny fandidiana (césarienne) na avy amin’ny fiterahana (zaitra, tataka) dia mety hampisy « dyspareunie » ;
-« Allergies » toy ny « allergies » amin’ny fimailo vita amin’ny « latex », ny « lubrifiants »… dia mety mampisy « irritation » sy fanaintainana rehefa miray.

Ireo antony ara-tsaina

Misy ihany koa ireo antony ara-tsaina mety mahatonga ny olona iray hahatsapana fanaintainana na fanelingelenana rehefa miray ara-nofo. Anisan’izany ny :
-Rarin-tsaina sy ny tebiteby izay mety miteraka « tension musculaire », toy ny eo anivon’ireo hozatry ny taovam-pananahana, izay mampanaintaina rehefa miray ara-nofo ;
-« Antécédents de traumatisme » na hoe niaina trangana herisetra ara-nofo ka lasa mahatsapa marary rehefa miray aty aoriana ;
-Olana amin’ny fifandraisana eo amin’ny mpifankatia ka lasa misy fiantraikany eo amin’ny « désir » sy ny « lubrification ».

Fitsaboana ny « dyspareunie »

Miankina indrindra amin’ny antony mety mahatonga azy ny fitsaboana ny « dyspareunie » :
Fitsaboana amin’ny fanafody raha toa ka avy amin’ny otrikaretina no mahatonga ny « dyspareunie ». Raha avy amin’ny « sécheresse vaginale » dia mety hampanaovin’ny mpitsabo « thérapie hormonale » na ataony mampiasa « crèmes hydratantes » hitsaboana izany ;
« Thérapie » miaraka amin’ny « sexologue » na « thérapeute de couple » hanampiana ny mpivady hikaroka ny mety ho antony ara-tsaina mahantonga io fanaintainana rehefa miray ara-nofo io sy hitadiavana vahaolana amin’izany ;
Fanovana ny fomba fiaina. Mety mila mampiasa « lubrifiant à base d’eau », manandrana « positions » samihafa na mampitombo ny « préliminaires » mba hisorohana ny « dyspareunie ».