Vondrona AXIAN : Orinasa fitaratra amin'ny fanajana ny zon'ny mpiasa ao aminy
Anisan'ireo nahazo fankasitrahana manokana avy amin'ny Ministeran'ny Asa ireo Orinasan'ny Vondrona AXIAN.
Nitsidika ny vondrona AXIAN ny delegasiona notarihan’i Ramatoa RAZAKABOANA Hanitra Fitiavana, Minisitry ny Asa, ny Fampananan’Asa, ary ny Asam-panjakana, ny 20 marsa lasa teo. Maromaro moa ny orinasan'ny AXIAN, ka anisan'izany ny YAS, ny BNI ary ny JOVENA. Fitsirihana no tena natao, ka tena nahafa-po ireo delegasiona notarihin'ny Minisitra tompon'andraikitra ny zava-misy. Nijery ny toe-piainan’ny mpiasa sy indrindra ny faritra sy ny fepetra mamaritra ny fiasany mantsy izy ireo.
Orinasa mitsinjo ny mpiasa ao aminy
Nandritra ny fitsidihana ny vondrona AXIAN dia nahitana tetikasa maro izay mifanaraka amin’ny vina izay napetraky ny Filoham-pirenena Andry Rajoelina, izay mikendry ny hampitombo ny fampananan’asa ny tanora, ary ny fanatsarana ny fiahiana ara-tsosialin’ny mpiasa.
Tsy manao ambanin-javatra ny maha-olona mihitsy ny orinasa, mba hitsinjovana ny mpiasa rehetra. Voatandro tsara ny fanomezana toerana madio sy manaraka ny fenitra iasana amin'ny andavan'andro, ny fanamorana ny fandehanana miasa sy ny fodiana ary ny tolotra ara-pahasalamana. Misy ny "crèche" ho an'ireo reny mbola kely anaka, ka azo apetraka ao ny zaza mandritra ny ora fiasana. Misy ihany koa ny toerana fivavahana, ho fanajana ny finoan'ny rehetra. Tsy adino ny toerana natokana hisakafoanana sy ny fanaovana fanatanjahantena izay samy misy fotodrafitrasa raitra.
Mba ho fampitomboana hatrany ny fahalalana sy fahaiza-manaon'ireo mpiasa, misitraka fiofanana ao amin'ny "AXIAN University" izy ireo. Marobe ohatra ireo manamafy ny fahaizana tenim-pirenena vahiny.
Orinasa mitsinjo ny tanora
Tsy ireo mpiasa ao amin'ny Vondrona AXIAN ihany no misitraka tombontsoa. Misy mantsy ny "Ecole 42" izay manolotra fiofanana maimaimpoana sy manampy amin'ny fanomezana fahaiza-manao manokana ireo tanora malagasy amin'ny sehatra nomerika. Fandraisana anjara amin'ny fampananan'asa ny tanora izany. Tsy adino ireo tetik'asa sosialy maro izay anohanana ny fanabeazana sy ny fiarovana ny tontolo iainana.
