Mihamy Mada Fashion 2023 : Araho an-tsary ireo asa famoronana manandratra avo ny akora Malagasy
Nifarana ny sabotsy 15 aprily ny Mihamy Mada Fashion andiany faha-4, izay notontosaina tao Toamasina. Niavaka tokoa ny filatroana omaly hariva, izay nanehoana ny hakanton'ireo akanjo vita tamin'ny akora Malagasy.
Tao amin'ny Port Academy Center Toamasina no notontosaina ny Seho FASHION SHOW. Sady seho no varotra "vente aux enchères" no natao tamin'izany
Akanjo vita amin'ny lamba landy
Anisan'ny mampiavaka ireo akanjo vitan'ny mpamorona eto an-toerana ny lamba azo avy amin'ny landy. Noho ny vidiny izay somary lafo, matetika amin'ny lanonan-dehibe no tena fitondrana azy.
Copyright Image : © MSK
Ireto famoronana ireto no anisan'ny niavaka tamin'ny filatroana. Aingam-panahy tsy ananam-piry no nahazoana izao fitafy izao
Copyright Image : © MSK
Mahafinaritra tokoa ny mahita ny fianjaika gasigasy na ho an'ny lehilahy, na ho an'ny vehivavy, na ho an'ny ankizy.
Copyright Image : © MSK
Akanjo vita amin'ny lambahoany
Anisan'ny ankafizin'ny Malagasy ankehitriny ny fitafy vita amin'ny lambahoany
Copyright Image : © MSK
Natao ho an'ny sokajin-taona rehetra ireo fitafy vita amin'ny lambahoany. Ny vidiny rahateo moa takatry ny besinimaro.
Copyright Image : © MSK
Akora mifangaro
Eto izao dia samy nampiasaina na ny lamba landy na ny soga. Misy singa hafa ihany koa mba amoahana ireo haingo isan-karazany. Arakaraky ny aingam-panahin'ny mpamorona moa no isafidianana ny akora ampiasaina.
Copyright Image : © MSK
Satroka miavaka
Anisan'ny nanamarika ny Mihamy Mada Fashion 2023 ny famoronana miavaka teo amin'ny satroka. Maro ireo asa tanana tsy fahita amin'ny andavan'andro.
Copyright Image : © MSK
Asongadina eto ireo akanjo mihaja ampiarahana amin'ny satroka tsy manampaharoa
Copyright Image : © MSK
Misy ihany koa ireo satroka azo ampiarahana amin'ny akanjo tsotsotra
Copyright Image : © MSK
Akanjo maroloko
Efa mihamaro ireo vehivavy no mankafy akanjo mampiady loko maromaro. Eto izao dia mahavariana tokoa ireo famoronana.
Copyright Image : © MSK
Akanjo ho an'ireo lehilahy jejojejo
Tsy diso anjara ireo lehilahy tia mianjaika. Nahitana karazana akanjo tsy dia fahita firy mantsy tamin'ny filatroana tany Toamasina.
Copyright Image : © MSK
Mbola ho an'ny lehilahy ihany
Copyright Image : © MSK
Famoronana vita amin'ny rofia
Akora vokarina eto Madagasikara ny rofia. Azo ampiasaina tsara anamboarana akanjo, poketra, firavaka sy haingon-trano isan-karazany izy. Eto izao dia nahazoana kavina sy haingon'akanjo ny rofia.
Copyright Image : © MSK
